काठमाडौं । कफी क्लबको आयोजनामा तेस्रो पिल्मो फेमिली कफी क्लब च्यारिटी फुटसल प्रतियोगिता शनिबार हुने भएको छ ।
प्रतियोगितामा पुरुषतर्फ ३४ तथा महिलामा १० टिमले प्रतिस्पर्धा गर्ने आयोजक क्लबका अध्यक्ष शैलेश लिम्बूले जानकारी दिए । नकआउट आधारमा हुने प्रतियोगिताको प्रत्येक खेल १५ मिनेटको हुनेछ ।
पुरुष/महिला दुवैमा पहिलो हुनेले रु २५ हजार तथा दोस्रो हुने टोलीले रु १२ हजार नगदसहित पुरस्कार प्राप्त गर्ने छन् । उत्कृष्ट खेलाडीलाई पनि नगद पुरस्कार दिइने छ ।
प्रतियोगिताबाट सङ्कलित रकमबाट एक जना विपन्न परिवार वा जेहेन्दार विद्यार्थीलाई रु ५० हजार आर्थिक सहयोग प्रदान गरिने आयोजकले जनाएको छ । एकदिने प्रतियोगिताका खेल सुनाकोठीस्थित वाखत फुटसलमा खेलाइने छ ।
