काठमाडौं । राष्ट्रपति रामचन्द्र पौडेलले जम्मु कश्मीरको पहलगाममा भएको आतंकवादी आक्रमणको निन्दा गरेका छन् ।
बुधबार सामाजिक संजालमार्फत राष्ट्रपति पौडेलले भारतको पहलगाममा भएको आतङ्कवादी आक्रमणमा निर्दोष मानिसहरूको ज्यान गएकोप्रति दुःख व्यक्त गरेका हुन् ।
उनले भनेका छन्, ‘भारतको पहलगाहमा भएको आतङ्कवादी आक्रमणमा निर्दोष मानिसहरूको ज्यान गएकोप्रति व्यक्त दुःख व्यक्त गर्दछु। निर्दोषको ज्यान लक्षित गर्ने यस्ता हिंसात्मक कार्यहरू पूर्ण रूपमा निन्दनीय छन् । घाइतेहरूको चाँडो स्वास्थ्य लाभको लागि प्रार्थना गर्दछु।’
भारतीय सञ्चारमाध्यमहरूका अनुसार उक्त आक्रमणमा परी एक जना नेपालीसहित २६ जनाको ज्यान गएको छभने अन्य १० जना घाइते भएका छन् ।
