मेक्सिको सिटी । वासिङ्टनले मेक्सिकाली कार्टेलहरूलाई आतङ्कवादी सङ्गठनका रूपमा घोषणा गरेपछि राष्ट्रपति क्लाउडिया सेनबामले संयुक्त राज्य अमेरिकाद्वारा आफ्नो राष्ट्रिय सार्वभौमिकताको ‘आक्रमण’ कहिल्यै सहन नगर्ने चेतावनी दिएकी छन् ।
“यो अमेरिकाका लागि हाम्रो सार्वभौमिकतामाथि आक्रमण गर्ने अवसर हुन सक्दैन”, उनले भनिन्, “मेक्सिकोसँग, यो सहयोग र समन्वय हो, कहिल्यै अधीनता वा हस्तक्षेप होइन र यहाँ सम्म कि कम आक्रमण पनि ।”
उनले मेक्सिकोले अमेरिकी हतियार निर्माताहरू विरुद्धको कानूनी कारबाही विस्तार गर्ने बताइन् । अमेरिकी हतियार निर्माताहरूलाई उहाँको सरकारले लागूपदार्थ तस्करहरूको हातमा पर्ने हतियारको बिक्रीमा लापरवाही गरेको आरोप लगाएको छ ।
यो मुद्दाले आतङ्कवादी समूहहरूसँग कथित संलग्नताको नयाँ आरोप लगाउन सक्ने उनले बताइन् ।
अमेरिकी राष्ट्रपति डोनाल्ड ट्रम्पको धेरै मेक्सिकाली कार्टेलसहित ल्याटिन अमेरिकी लागूपदार्थ तस्करी समूहहरूलाई लक्षित गर्ने निर्णय गिरोहका सदस्यहरू विरुद्धको उनको तीव्र कारबाहीको पछिल्लो कदम हो ।
ट्रम्पले ह्वाइट हाउसमा फर्किएको पहिलो दिन एक कार्यकारी आदेशमा हस्ताक्षर गर्दै भनेका थिए, “कार्टेलहरूले परम्परागत सङ्गठित अपराधले भन्दा बढी राष्ट्रिय सुरक्षा खतरा उत्पन्न गर्छन् ।”
यो कदमले सम्भावित सैन्य कारबाहीका बारेमा अनुमानहरू खडा गरेको छ ।
ट्रम्प प्रशासनमा प्रमुख भूमिका दिइएका टेक अर्बपति एलन मस्कले यो घोषणाको अर्थ ‘उनीहरू ड्रोन आक्रमणका लागि योग्य छन्’ भनी सुझाव दिए
