काठमाडौं । नेपालको फ्रेन्चाइज फूटबल प्रतियोगिता नेपाल सुपर लिग (एनएसएल) को तेस्रो संस्करणको अक्सनको मिति तय भएको छ । नेपाल स्पोर्ट्स एन्ड एभेन्ट म्यानेजमेन्ट प्रा.लि.का अनुसार एनएसएलको अक्सन आगामी फागुन १० गते हुने भएको हो ।
अक्सनमा यसपटक सात टोलीले मात्र सहभागिता जनाउनेछन् । सहभागी टोलीमा झापा एफसी, एफसी चितवन, काठमाडौं रेजर्स एफसी, ललितपुर सिटी एफसी, पोखरा थन्डर्स एफसी, बुटवल लुम्बिनी एफसी र धनगढी एफसी गरहेका छन् ।
स्पोर्टिङ डी इलाम र वीरगन्ज युनाइटेडले भने एकपटक प्रतियोगिताबाट हात झिकेका छन् । यसअघि पहिलो संस्करणमा सात र दोस्रो संस्करणमा ९ टोलीले सहभागिता जनाएका थिए ।
