ललितपुर । केपी ओली कप अन्तर्राष्ट्रिय फूटबल प्रतियोगिताको प्रचारप्रसारका लागि खेलकुद पत्रकार र युवा सङ्घ नेपालबीच भएको खेल बराबरीमा टुङ्गिएको छ ।
यही फागुन ११ गतेदेखि १९ गतेसम्म हुने तेस्रो संस्करणअन्तर्गतको प्रतियोगिताको प्रचारप्रसारका लागि मंगलबार एन्फा खेलमैदान सातदोबाटोमा भएको खेल ४ –४ गोलको बराबरीमा टुङ्गिएको हो ।
आज नेकपा एमालेका नेता भानुभक्त ढकालले रेफ्रीलाई फुटबल हस्तान्तरण गर्दै खेल शुभारम्भ गरेका थिए ।
प्रतियोगितामा ‘ए’ डिभिजन क्लब र केही विदेशीसहित १० टोलीको सहभागिता रहने युवा सङ्घले जनाएको छ । विजेताले १५ लाख ११ हजार १११, उपविजेताले र पाँच लाख प्राप्त गर्ने युवा सङ्घका अध्यक्ष क्षितिज थेबेले जानकारी दिए। प्रतियोगिताको क्वाटरफाइनलसम्मका खेल सातदोबाटोस्थित एन्फा कम्प्लेक्समा तथा सेमिफाइनल र फाइनल खेल त्रिपुरेश्वरस्थित दशरथ रङ्गशालामा हुने उनले जानकारी दिए ।
प्रतियोगिताका सर्वोत्कृष्ट खेलाडीलाई एक लाख, उत्कृष्ट गोलरक्षक, उत्कृष्ट गोलकर्ता, उत्कृष्ट उदियमान खेलाडीलाई ५०–५० हजार दिइने युवा सङ्घले जनाएको छ ।
