काठमाडौं । राष्ट्रिय स्वतन्त्र पार्टीका सभापति रवि लामिछाने ८४ दिनपछि थुनामुक्त भएका छन् । जिल्ला अदालत कास्कीले उनलाई बिहीबार ६५ लाख धरौटी मागेको थियो ।
धरौटी बुझाएर उनी साँझ रिहा भएका हुन् । जिल्ला अदालत कास्कीले काठमाडौ जिल्ला अदालतमा आफैं उपस्थित हुने सर्तमा लामिछानेलाई रिहा गरेको हो । रविविरुद्ध काठमाडौँमा स्वर्णलक्ष्मी सहकारीको रकम अपचलन गरेको आरोपमा मुद्दा दर्ता भएको छ ।
