एजेन्सी । ग्लोब सकर दुबई अवार्डमा भिनिसियस जुनियर र क्रिस्टियानो रोनाल्डोले अवार्ड जितेका छन् । शुक्रबार राति दुबईमा भएको अवार्ड समारोहमा भिनिसियस पुरुषतर्फको उत्कृष्ट खेलाडी चुनिएका हुन् ।
२४ वर्षीय भिनिसियसले रियल म्याड्रिडलाई ला लिगा, च्याम्पियन्स लिग, सुपर कोपा र इन्टरकन्टिनेटनल कप जिताउन महत्त्वपूर्ण भूमिका खेलेका थिए । उनले च्याम्पियन्स र इन्टरकन्टिनेटल कपको फाइनलमा गोल गर्दा स्पेनिस सुपर कपको फाइनलमा बार्सिलोनाविरुद्ध ह्याट्रिक पूरा गरेका थिए । उनले उत्कृष्ट फरवार्डकोपनि अवार्ड जितेका छन् ।
यता क्रिस्टियानो रोनाल्डो मिडल इस्टको उत्कृष्ट खेलाडी चुनिएका हुन् । यस्तै आइटाना बोन्माटी उत्कृष्ट महिला खेलाडी चुनिँदा जुड बेल्लिन्घामले उत्कृष्ट मिडफिल्डर र म्याराडोना अवार्ड, लामिने यामालले इमार्जिंग प्लेयर, कार्लो एन्चेलोट्टीले उत्कृष्ट प्रशिक्षक तथा थिबायोट कार्टियस र नेयमार जुनियरले प्लेयर क्यारियर अवार्ड जिते ।
