काठमाडौं । दुई दिवसीय क्रिकेट प्रतियोगिता जय ट्रफीको खेल तालिका सार्वजनिक भएको छ । नेपाल क्रिकेट संघ(क्यान) ले यसअघि एलिट कप नाम राखेको जय ट्रफीको खेल तालिका सार्वजनिक भएको हो ।
क्यानका पुर्व अध्यक्ष जय कुमार शाहको नाममा यस प्रतियोगितालाई जय ट्रफी मेन्स एलिट कप नाम राखिएको हो । प्रतियोगिता २०८१ पुस २१ देखि माघ ३ गतेसम्म हुनेछ । यसअघि भएको प्रधानमन्त्री कप राष्ट्रिय क्रिकेट प्रतियोगिताको शीर्ष चार टोली नेपाल पुलिस क्लब, त्रिभुवन आर्मी क्लब, बागमती प्रदेश र मधेश प्रदेश भिड्नेछन् ।
सिग्नल राउण्ड रोबिन लिगका आधारमा हुने प्रतियोगिताको शीर्ष दुई स्थानमा रहने टोली फाइनल खेल्नेछन् । 
