काठमाडौं । गायक प्रकाश सपुत र नायिका परीक्षा लिम्बूको मुख्य भूमिका रहेको फिल्म ‘सोल्टिनी’को पोस्टर छायाङ्न अगाडि नै सार्वजनिक गरिएको छ ।
निर्देशक अर्जुन सुवेदीले आइतबार प्रकाश र परीक्षा फिचर्ड पोस्टर सार्वजनिक गरेको हो । पोस्टरमा यी दुई कलाकार भावुक मुद्रामा छन् । गत मंसिर दोस्रो सातामा यस फिल्मको निर्माण घोषणा, कलाकार र प्रदर्शन मितिबारे जानकारी दिइएको थियो । त्यस समय पुस १५ बाट छायाङ्कनमा निस्कने निर्माण पक्षले बताएको थियो ।
फिल्ममा प्रकाश र परीक्षासहित विल्सनविक्रम राई, सुब्बु गुरुङ, रवीन्द्र झा, प्रकाश घिमिरे, प्रेम सुब्बा, कविता आलेलगायतको अभिनय रहने छ । प्रदर्शन मिति भने २०८२ असोज ३ गतेलाई तोकिएको छ ।
