काठमाडौं । नेपाल प्रिमियर लिग (एनपीएल) मा काठमाडौँ गुर्खाजले ११८ रनको लक्ष्य पाएको छ । आइतबार त्रिवि क्रिकेट मैदानमा टस हारेर पहिले ब्याटिङ गरेको विराटनगर किंग्सले १९.५ ओभरमा सबै विकेट गुमाएर ११७ रन बनायो ।
विराटनगरका लागि राजेश पुलामीले सर्वाधिक २५ रन बनाए । ओपनर दीपक बोहोरा २०, स्कट एडर्वास १५, बसिर अहमद १३, निकोलस किर्तन १२ रन बनाए। यस्तै लोकेश बमल आठ र सुवाष भण्डारीले ६ रनमा अविजित रहे ।
यो खेल जितेमा काठमाडौँ प्लेअफको सम्भावना रहने छ भने पराजित भएको खण्डमा प्रतियोगिताबाट बाहिरिने छ । काठमाडौँ ६ खेलबाट ६ अंक रहेको छ भने विराटनगरको समान खेलबाट चार अंक छ । आजै हुने दोस्रो खेलमा पोखरा एभेन्जर्सले सुदूरपश्चिम रोयल्सको सामना गर्नेछ।
