काठमाडौं । राष्ट्रपति रामचन्द्र पौडेलले पाँच देशका राजदूत नियुक्त गरेका छन् । राष्ट्रपति पौडेलले शुक्रबार पोर्चुगल, स्पेन, दक्षिण अफ्रिका, बेल्जियम र दक्षिण कोरियाका लागि राजदूत नियुक्त गरेका हुन् ।
राष्ट्रपतिले पोर्चुगलका लागि प्रकाशमणि पौडेल, स्पेनका लागि सनिल नेपाल, दक्षिण अफ्रिकाका लागि प्रा.डा. कपिलमान श्रेष्ठ, बेल्जियमका लागि सेवा लम्साल र कोरियाका लागि डा. शिवमाया तुम्बाहाङफेलाई राजदूत नियुक्त गरेका छन् । यसअघि पाँचै जना संसदीय सुनुवाइ समितिबाट अनुमोदन भइसकेका हुन् ।
