काठमाडौं । नेपाल प्रिमियर लिग (एनपीएल)को टिकट मूल्य तोकिएको छ । यही मंसिर १५ देखि पुस ६ गतेसम्म आयोजना हुन लागेको पहिलो संस्करणको एनपीएलको टिकट मूल्य सोमबार नेपाल क्रिकेट संघ (क्यान)ले सार्वजानिक गरेको छ।
एनपीएलको उद्घाटन खेलमा सामान्यका तर्फ ३ सय र भिआइपी तर्फ ७ सय रुपैयाँ तोकिएको छ । त्यस्तै, अन्य लिग खेलका लागि सामान्यतर्फ ३ सय र भिआइपीतर्फ लगि ५ सय रुपैयाँ तोकिएको छ।
प्लेअफका खेल हुने दिन सामान्यतर्फ ५ सय र भिआइपी तर्फका लागि ७ सय तोकिदा फाइनल खेलको लागि सामान्यतर्फ ५ सय र भिआइपीतर्फ एक हजार रुपैयाँ टिकट मूल्य रहेको छ।
यता, सिजनल पासका लागि सामान्यतर्फ ४ हजार ४८० र भिआइपीतर्फका लागि ८ हजार २४० रुपैयाँ तोकिएको छ। यसमा क्यानले २० प्रतिशत छुट पनि दिएको छ।
