काठमाडौं । सहिद स्मारक ‘बी’ डिभिजन लिग आगामी माघ महिनाबाट शुरु हुने भएको छ । अखिल नेपाल फूटबल संघ(एन्फा)को पदाधिकारी र ‘बी’ डिभिजन क्लबका पदाधिकारीबीच बिहीबार बसेको बैठकले लिग माघ १३ गतेबाट शुरु हुने निर्णय गरेको हो ।
बैठकले लिगमा सहभागी क्लबलाई लाइसेंसिङ प्रक्रिया लगिनेपनि बैठकले निर्णय गरेको छ । लिगका खेलहरु त्रिपुरेश्वरस्थित दशरथ रंगशाला र एन्फा कम्प्लेक्समा हुनेछ । एन्फाले क्लब दर्ताको लागि मंसिर २१ सम्म समय तोकेको छ ।
यस्तै एन्फाले प्रतियोगिताको खेल तालिका पुष १३ गते सार्वजनिक गर्ने निर्णय गरेको छ ।
