काठमाडौं । ज्यान उद्योग मुद्दामा पाँच वर्ष कैद सजाय ठहर भएका गण्डकी प्रदेशसभाका सांसद दीपक मनाङ्गेले आफूविरुद्धको मुद्दाको पूर्णपाठ तयार भएपछि अदालतमा उपस्थित हुने बताएका छन् ।
शुक्रबार विज्ञप्ति जारी गरी उनले सर्वोच्चबाट फैसलाको पूर्णपाठ सार्वजनिक भएपछि मात्रै अदालतमा उपस्थित हुने बताएका हुन् । ५ वर्ष कैद सजाय गर्ने पुनरावेदन अदालत, पाटनको फैसला सदर गरेपछि उनी सम्पर्कविहीन भएका थिए ।
विज्ञप्तिमा भनिएको छ, ‘(फैसला)पश्चात मेरा कानून व्यवसायीलाई फैसलाको नक्कल सार्न पठाएँ तर अदालतबाट फैसलाको संक्षिप्त पाठ तयार नभएको भन्ने जानकारी आयो । सर्वोच्च अदालतबाट फैसलाको पूर्णपाठ लिखित रुपमा प्राप्त भएपछि अदालतमा म स्वयम् उपस्थित हुने कुरा जानकारी गराउन चाहन्छु ।’
