काठमाडौं । आईसीसी विश्वकप लिग-२ अन्तर्गत आज हुने त्रिकोणात्मक सिरिजको खेलमा नेपाल र अमेरिका भिड्दैछन् । डाल्लसस्थित ग्राण्ड प्रेरी स्टेडियममा हुने खेल नेपाली समय अनुसार राति ९:१५ बजे शुरु हुनेछ ।
आज हुने खेलमा दुवै टोली जित निकाल्ने लक्ष्यसहित मैदान उत्रिनेछन् । नेपाललाई आजको खेलमा बदला लिने अवसर रहेको छ । सिरिजको पहिलो खेलमा अमेरिकासँग ३ विकेटले पराजित भएको नेपाल आजको खेल जित्दै सिरिजको लगातार दोस्रो जित निकाल्छ । नेपालले दोस्रो खेलमा स्कटल्याण्डलाई ५ विकेटले पराजित भएको थियो ।
हाल नेपाल १० खेलबाट ५ अंक जोड्दै तालिकाको सातौँ स्थानमा रहेको छ । एक खेल बढी खेलेको अमेरिका १४ अंक जोड्दै तालिकाको दोस्रो स्थानमा रहेको छ ।
दुई टोलीबीच भएको पछिल्लो ५ खेलमा अमेरिकाले तीन खेल जित्दा नेपालले एक खेल जितेको छ । एक खेल बराबरीमा सकिएको थियो ।
