काठमाडौँ । सुनको मूल्य हालसम्मकै महँगो भएको छ । लगातार उकालो लागेको सुनको मूल्यमा बिहीबार भएको वृद्धिपछि हालसम्मकै उच्च बिन्दुमा पुगेको हो ।
नेपाल सुनचाँदी व्यवसायी महासङ्घका अनुसार नेपालीको दोस्रो ठूलो पर्व तिहारको अवसरमा सुनको मूल्यमा उच्च वृद्धि भई कीर्तिमान कायम गरेको छ ।
बुधबार प्रतितोला दुई हजार दुई सयले वृद्धि भई एक लाख ७० हजार सात सयमा कारोबार भएको छापावाला सुन बिहीबारका लागि भने एक लाख ७१ हजार निर्धारण भएको छ । बुधबारको तुलनामा बिहीबार प्रतितोला तीन सय रुपैयाँले वृद्धि भएको हो ।
यस्तै चाँदीको मूल्य तोलामा ३० रुपैयाँले घटेको छ । बुधबार प्रतितोला दुई हजार एक सय २० मा कारोबार भएको चाँदी आजका लागि दुई हजार ९० रुपैयाँ निर्धारण भएको छ ।
