काठमाडौं । नेपाल प्रिमियर लिग(एनपीएल)को फ्रेन्चाइज टोली कर्णाली याक्सले नेपाली राष्ट्रिय क्रिकेट टोलीका पूर्वकप्तान ज्ञानेन्द्र मल्ललाई मुख्य प्रशिक्षकको रुपमा नियुक्ति गरेको छ । सोमबार क्लबको स्वामित्व लिएको हिमालयन बिल्डर्सले काठमाडौंमा पत्रकार सम्मेलन गर्दै नेपाली राष्ट्रिय क्रिकेट ‘ए’ टोली का प्रशिक्षकसमेत रहेका मल्ललाई टिमको मुख्य प्रशिक्षकको जिम्मेवारी दिएको हो ।
डेढ दशक नेपाली क्रिकेट टिमबाट खेलेका मल्लले सन् २०२३ मा अन्तर्राष्ट्रिय क्रिकेटबाट सन्यास लिएका थिए । त्यसपछि उनले नेपालको ‘ए’ टोली सम्हालेका थिए । कर्णाली याक्सले मार्की खेलाडीमा सोमपाल कामी पाएको थियो ।
टोलीलाई हिमालयन बिल्डर्स एण्ड इन्जिनियर्सले १ करोड ११ लाखमा खरिद गरिसकेको हो ।
