काठमाडौं । भुटानमा सम्पन्न महिला बिच भलिबलको उपाधि नेपालले जितेको छ। शनिबार दिउँसो भएको फाइनल खेलमा उज्वेकिस्तानको ए टिमलाई २-० को सोझो सेटमा हराउँदै नेपालले उपाधि जितेको हो ।
नेपालकी कमला पुन र मनीषा चौधरीको जोडीले उज्वेकिस्तान ए लाई २१-१७ र २१-१४ ले पराजित गरेका हुन् । नेपालले प्रतियोगितामा सबै ५ खेलमा अपराजित रहँदै उपाधि चुमेको हो।
यस्तै पुरुषतर्फ पनि नेपालको मानबहादुर श्रेष्ठ र दिलबहादुर सुनारको जोडीले भने उपविजेतामा चित्त बुझाएको छ । आजै भएको फाइनल खेलमा नेपाल माल्दिभ्स ‘ए’ सँग २१-१९ र २१-१७ ले पराजित भएको हो ।
