काठमाडौँ । आईसीसी टी २० विश्वकपको सुपर–८ मा अफगानिस्तानले अस्ट्रेलियालाई २१ रनले पराजित गरेको छ ।
आइतबार बिहान अफगानिस्तानले दिएको १४९ रनको विजयी लक्ष्य पछ्याएको अस्ट्रेलिया १९.२ ओभरमा १२७ रनमा अलआउट भयो।
अस्ट्रेलियाका लागि ग्लेन म्याक्सवेलले सर्वाधिक ५९ रनको योगदान दिए। उनले ४१ बलमा ६ चौका र ३ छक्का प्रहार गरे। यस्तै, कप्तान मिचेल मार्सले १२ र मार्कस इस्टोइनिसले ११ रन बनाए। अन्य ब्याटरले दोहोरो अंकमा रन जोड्न सकेनन्।
अफगानिस्तानका गुलबदिन नाइबले ४ तथा नवीन उल हकले ३ विकेट लिए। मोहम्मद नाबी, कप्तान राशिद खान र अजमतुल्लाह उमरजईका नाममा समान १–१ विकेट रह्यो।
त्यसअघि किंसटाउनमा टस हारेर पहिला ब्याटिङ गरेको अफगानिस्तानले निर्धारित २० ओभरमा ६ विकेट गुमाउँदै १४८ रन बनाएको थियो।
अफगानिस्तानका रहमानुल्लाह गुर्बाजले ४९ बलमा ६० रनको योगदान दिए। इब्राहिम जद्रानले ४८ बलमा ५१ रन बनाए। करिम जनतले १३ र मोहम्मद नाबीले १० रन जोडे।
अस्ट्रेलियाका प्याट कमिन्सले ३, एडम जाम्पाले २ तथा मार्कस स्टोइनिसले १ विकेट लिए।
