युक्रेनका नयाँ सेनाप्रमुखले अत्यन्त आवश्यक अमेरिकी सैन्य सहायतामा भएको ढिलाइले किएभका सैनिक कति समयसम्म टिक्न सक्छन् भन्ने कुरा छायाँमा पारेकाले अग्रपङ्क्तिमा स्थिति ‘अत्यन्तै कठिन’ भएको बताएका छन् ।
एक हजार किलोमिटरको अग्रपङ्क्ति एक वर्षभन्दा बढी समयमा मुस्किलले अगाडि बढेको छ । गत वर्षको असफल जवाफी आक्रमणपछि किएभको सेना रक्षात्मक स्थितिमा फिर्ता भएको छ र सैन्य नेताहरूले रुससँग जनशक्तिको लाभ भएको स्वीकार गरेका छन् । किएभले कृष्ण सागरमा एक रुसी युद्धपोतलाई ध्वस्त पारेको बताएपछि यस्तो चेतावनी आएको हो ।
उक्त युद्धपोत रुसको नौसैनिक बेडामा सफल हमलाको शृङ्खलामा सबैभन्दा पछिल्लो हो । कमान्डर–इन–चिफ अलेक्जेन्डर सिरस्कीले युद्ध सञ्चालन वातावरण अत्यन्त जटिल र तनावपूर्ण रहेको बताए । गत साता एउटा ठूलो सैन्य परिवर्तनमा लोकप्रिय भालेरी जालुज्नीको स्थान लिने सिरस्की अग्रपङ्क्तिमा आफ्नो पहिलो पटक भ्रमण गर्दै थिए ।
रुसी सैन्य ब्लगर्स र स्थानीय अधिकारीहरूले आपूर्ति कम भएकाले युक्रेनी सेनाले गोला बारुदको संरक्षण गरिरहेको बताएका छन् । युक्रेन रुसी आक्रमणलाई रोक्न आफ्नो सशस्त्र बलहरूलाई गोला, गोली, रकेट, ट्याङ्क र हवाई सुरक्षाका लागि आवश्यक धनराशि र सुसज्जित गर्नका लागि पश्चिमी मुलुक विशेषगरी अमेरिकी समर्थनमा निर्भर छ ।
