काठमाडौं । हिमालय बौद्ध शिक्षा तथा सम्भोटा लिपी प्रशिक्षण केन्द्रको आयोजनामा विश्व बौद्ध शान्ति गोष्ठी हुने भएको छ । माघ १८देखि २० गतेसम्म बौद्धस्थित टिबेट इन्टरनेशनल होटलमा हुने गोष्ठीको प्रसिद्ध धर्मगुरु क्याब्जे पलयुल छोग्टुल रिन्पोछेले उद्घाटन गर्ने आयोजकले जानकारी दिएको छ ।
बौद्ध दर्शन, विज्ञान र ध्यान साधनाको संरक्षण तथा सम्बद्र्धन गर्दै विश्मा नै गौरवशाली बौद्ध धर्मको ध्वनिलाई गाउँगाउँसम्म पुर्याउने उद्देश्यले गोष्ठी आयोजना गरिएको धर्मगुरु कोशिस लोब्साङ वाइबाले जानकारी दिए ।
गोष्ठीमा खेन्पो शिर लामा–गुरुङ गुरु पद्यसम्भवको योगदान र विशेषता, गेशे ञिमा छ्योगाल–बौद्ध दर्शन तथा आधुनिक विज्ञानको विशेषता, खोन्पो सर्वजित गोङ्पा–पञ्चमहाशास्त्रको संक्षिप्त परिचय, खेन्पो पेमा छिरि–सप्ताङ्ग प्रार्थना, लामा छिरि टासी–चार चित्त निवृत्ति, लोवचा पुण्यप्रसाद पराजुली–बौद्ध तथा अबौद्धको फरक, आचार्य थुब्देन–घिसिङ क्षण र सम्पद्ले युक्त मानव चोलाको महत्व, लोपोन ञिमा छिरिङ–प्राणीधान तथा परिणामनाको विशेषता, आचार्य टीका शेर्पा–त्रिमूल पथ र आचार्य मिङ््मार–डाक्पा रेपा तथा गतगर्भ बारेमा प्रवचन दिनेछन् ।
गोष्ठीमा विशिष्ट धर्मगुरु, भिक्षु तथा भिक्षुणीहरुले सहभागिता जनाउने आयोजकले जानकारी दिएको छ ।
