कपिलवस्तु । कपिलवस्तुको बुद्धभूमि नगरपालिका –२ गोरुसिङ्गेमा यात्रु बाहक बस र ट्रक ठोक्किँदा ४ जना गम्भीर घाइते भएका छन् ।
मंगलबार साँझ ना ५ ख ९६४१ नम्बरको बसले गोरुसिंग स्थित मल्ल स्टाफ होटल अगाडी रोकी राखेको ना ८ ख १९९४ नम्बरको ट्रकलाई ठक्कर दिँदा बसमा सवार ४ जना गम्भीर घाइते भएका हुन् ।
घाइतेहरू र अन्य यात्रु बसमा च्यापिएका थिए । जिल्ला ट्राफिक कार्यालय गोरुसिंगेका प्रमुख अनिल भण्डारीले दुर्घटनामा गम्भीर घाइते भएकाहरूलाई बाहिर निकालिएको उपचारका लागि बुटवल तर्फ पठाइएको बताए ।
