चीनमा बालबालिकामा निमोनियाको प्रकोप

विश्व स्वास्थ्य सङ्गठन (डब्ल्यूएचओ) ले चीनले केही स्थानमा बालबालिकामा फैलिएको निमोनियामा कुनै नयाँ कीटाणु नभेटिएको जनाएको छ ।

डब्ल्यूएचओका अनुसार चीनले कोभिड नियन्त्रण गर्ने उद्देश्यले पहिला गरिएका कडाइहरू हटाएपछि फ्लूजस्तो रोगमा वृद्धि भएको बताएको छ । चीनमा श्वासप्रश्वास प्रणालीमा हुने सङ्क्रमण बढेपछि डब्ल्यूएचओले अहिलेको प्रकोपबारे थप विवरण दिन आग्रह गरेको थियो ।

उसले चीनमा खोप र मास्क लगाउने जस्ता सावधानी अपनाउन आग्रह गरेको छ । चीनका स्थानीय सञ्चारमाध्यमहरूले हालैका दिनहरूमा त्यहाँ श्वासप्रश्वास प्रणालीमा हुने सङ्क्रमणका कारण अस्पतालहरूमा बिरामीको चाप बढेको जनाएका थिए ।

डब्ल्यूएचओले सञ्चारमाध्यममा आएका समाचारबारे ‘प्रोमेड’मार्फत् थप विवरण मागेको जनाएको थियो। ‘प्रोमेड’ विश्वव्यापी प्रकोप निगरानी प्रणाली हो ।

फोक्सोमा हुने सङ्क्रमण र फोक्सो सुनिने लक्षणयुक्त सङ्क्रमणलाई चिकित्सकीय भाषामा निमोनिया भनिन्छ । भाइरस, ब्याक्टेरिया वा ढुसीबाट हुने सङ्क्रमणका कारण निमोनिया हुन सक्छ । चीनले देशको उत्तरमा फैलिएको श्वासप्रश्वाससम्बन्धी सङ्क्रमण पहिले नै थाहा भएका विभिन्न खाले रोग कारकका कारणले भएको बताएको छ ।

 

 

 

Leave a Reply

Your email address will not be published. Required fields are marked *