अमेरिकाका राष्ट्रपति जो बाइडेन र चीनका राष्ट्रपति सी जिनपिङबीच अमेरिकाको क्यालिफोर्नियामा भेटवार्ता भएको छ । यो भेट सानफ्रान्सिस्कोमा जारी एशिया–प्यासिफिक इकोनोमिक को–अपरेशन (एपेक) समिटको सन्दर्भमा भएको हो । भेटमा दुई देशबीच फेरि सैनिक सम्पर्क शुरू गर्ने विषयमा सहमति भएको छ ।
अमेरिका र चीनको द्विपक्षीय बैठकका अवसरमा चीनका राष्ट्रपति सीले अमेरिकालाई ताइवानलाई हतियार नदिन र एक चीन नीतिको समर्थन गर्न आग्रह गरेका थिए । उनले चीन र अमेरिका जस्ता दुई ठूला देशका लागि एक अर्काको अहित चाहनु नहुने पनि बताएका थिए । त्यस्तै अमेरिकी राष्ट्रपति बाइडेनले चिनियाँ राष्ट्रपति सीसँग धेरै विषयमा राम्रो कुराकानी भएको बताए ।
उनले एक चीन नीतिको समर्थन गर्ने ं र कहिल्यै फेरबदल नहुने बताए । उनले दुई देश एआईको न्यूक्लियर कमान्डबाट टाढा राख्ने कुरामा सहमत भएको बताए । दुई नेताबीच करिव दुई घण्टा कुराकानी भएको थियो ।
