काठमाडौं । राष्ट्रिय खेलकुद परिषद् (राखेप)ले कीर्तिपुरस्थित टियु क्रिकेट मैदानको फ्लडलाइट जडानका लागि टेण्डर स्वीकृत गरेको छ । राखेपले एमएसआईपीएल-एएसपी पावर जेभीलाई फ्लडलाइट जडानका लागि जिम्मा दिएको हो ।
कम्पनीले २७ करोड ४० लाख २ हजार २२ रुपैयाँमा टियु क्रिकेट मैदानमा फ्लडलाइट जडानको ठेक्का पाएको हो । राष्ट्रिय खेलकुद परिषद् मंगलबार एक सूचना जारी गर्दै सार्वजनिक खरिद ऐन २०६३ अनुसार फ्लडलाइट जडानको ठेक्का पाउने कम्पनीको नाम सार्वजनिक गरेको हो ।
मैदानमा फ्लडलाइट राखेपछि रात्रिकालीन समयमा पनि खेल सञ्चालन गर्न सकिनेछ ।
