काठमाडौं । चीनले पश्चिम नेपालका भूकम्प पीडितलाई पहिलो खेप राहत सामग्री पठाएको छ । सोमबार रसुवगढी नाका हुँदै चीनमा राहत सामग्री नेपाल भित्रिएको हो ।
राहत सामग्रीमा दुई हजार ३ सय टेन्ट, दुई हजार थान ब्लाङ्केट, सातसय थान त्रिपाल, पाँचसय थान स्प्रेयर छ । थप राहत सामग्री आउने क्रममा रहेको नेपालका लागि चिनियाँ राजदूत चेन सङले बताएका छन् । चीनले पश्चिम नेपालका भूकम्प प्रभावितका १० करोड रुपैयाँ बराबरको राहत सामग्री सहयोग गर्ने बताएको छ ।
साउथ एसियन कन्ट्रीज इमरर्जेन्सी सप्लाइज रिजर्भबाट चीनले भूकम्प पीडितलाई सहयोग गरेको हो । यो राहत सामग्री सिधै भूकम्प प्रभावित क्षेत्रमा पठाइने दूतावासले जनाएको छ । चीनले भूकम्प प्रभावितलाई थप सहयोग गर्ने र घर पुनर्निर्माणमा पनि सहयोग गर्ने बताएको छ । भारतले पनि ११ टन भन्दाबढी राहत सामग्री पठाइसकेको छ ।
The 100 million NPRs worth of disaster relief material from #CSACESRC, including 2,300 tents, 2,000 blankets, 700 tarpaulins, 500 sprayers entered Nepal through the Jilong-Rasuwa Port today. Time is of the essence, those material will be directly send to the earthquake-affected… pic.twitter.com/86QtCd9wzW
— Ambassador Chen Song (@PRCAmbNepal) November 6, 2023
