काठमाडौ । राष्ट्रिय स्वतन्त्र पार्टीका सभापति रवि लामिछानेले ललिता निवास प्रकरणमा निर्णयकर्ताको बयान अधुरो र अपूरो रहेको बताएका छन् ।
ललिता निवास प्रकरणमा निर्णयकर्ता पूर्वप्रधानमन्त्रीद्वय माधवकुमार नेपाल र डा बाबुराम भट्टराईको बयान नलिई अदालतमा फाइल बुझाउन खोजेको सन्दर्भमा सभापति लामिछानेले यस्तो बताएका हुन् । उनले यस विषयमा सीआईबीले कसैको आदेश मान्न नहुने बताएका छन् ।
उनले भनेका छन्, ‘सीआईबीले गैरकानुनी आदेश नसुनोस्, नमानोस्। ललिता निवास प्रकरणका निर्णयकर्ता सबैको बयान नै बिनाको अपुरो अधुरो फाइल पेस नगरोस्। गृहमन्त्रीज्यू, केही त गडबड छ.. ठूलै गडबड छ।’
सीआईबीले आज ललिता निवास जग्गा प्रकरणको फाइल दुई पूर्वप्रधानमन्त्रीसँग सोधपुछ नै नगरी बुझाउँदै छ ।
