काठमाडौं । प्रतिनिधिसभाको बैठक बस्दै नबसी स्थगित भएको छ । आज दिउँसो तीन बजेका लागि बोलाइएको बैठक आइतबार दिउँसो एक बजे बस्नेगरी स्थगित गरिएको छ ।
कार्यव्यवस्था परामर्श समितिले बैठक आइतरबार बस्नेगरी स्थगित गर्ने निर्णय गरेको हो । सदन चलाउन सभामाखु देवराज घिमिरेले छलफल गरे पनि प्रमुख प्रतिपक्षी दल एमालेले अवरोध कायम गर्ने भएपछि बैठक स्थगित गरिएको हो ।
प्रधानमन्त्री पुष्पकमल दाहाल प्रचण्डको विवादास्पद अभिव्यक्तिलाई लिएर एमाले र राप्रपाले उनको राजीनामा मागिरहेका छन् । विपक्षीको अवरोधका कारण बुधबारयता संसदका दुवै सदन राष्ट्रियसभा र प्रतिनिधिसभा बैठक स्थगित हुँदै आएका छन् ।
