काठमाडौं । सहिद स्मारक ‘ए’ डिभिजन लिगको साविक विजेता मछिन्द्र फूटबल क्लबले भुटानका कप्तान तथा स्ट्राइकर चेन्चो ग्याल्सेनलाई टोलीमा अनुबन्ध गरेको छ । मछिन्द्रले सोमबार पत्रकार सम्मेलन गर्दै आधिकारिक रुपमा चेन्चोलाई टोलीमा अनुबन्ध गरेको जनाएको हो ।
मछिन्द्रले चेन्जोलाई लिगको बाँकी चरणको खेलको लागि अनुबन्ध गरेको हो । क्लबले चेन्जोको तलबको बारेमा कुनै जानकारी दिएको छैन । चेन्जोलाई भुटानी रोनाल्डो उपनामलेपनि चिनिदै आएको छ । उनले भारतीय आई लिगकोपनि अनुभव बटुलिसकेका छन् ।
टोलीको अनुभवि खेलाडीहरु विदेश पलायन हुँदा साविक विजेताले जारी लिगमा सोचेअनुरुप प्रदर्शन गर्न सकेको छैन ।
चेन्जोले बुधबार हिमालयन शेर्पाविरुद्ध हुने खेलबाट लिगमा डेब्यु गर्नेछन् ।
