काठमाडौं । आईसीसी विश्वकप लिग-२ को त्रिकोणात्मक एकदिवसीय सिरिज अन्तर्गत आज हुने खेलमा पीएनजी र युएई भिड्दैछन् । कीर्तिपुरस्थित टियु क्रिकेट मैदानमा हुने खेल बिहान साढे ९ बजे शुरु हुनेछ ।
आज हुने खेलमा दुवै टोली जीत निकाले लक्ष्यसहित मैदान उत्रिनेछन् । पीएनजीको लागि लिग-२ को यो अन्तिम खेल हुनेछ । हाल पीएनजी ३५ खेलबाट ११ अंक जोड्दै लिगको सातौँ स्थानमा रहेको छ । एक खेल कम खेलेको युएई ३१ अंकको साथ छैटौं स्थानमा छ । युएईले भोलि नेपालसँग अन्तिम खेल खेल्नेछ ।
उक्त खेल जितेको खण्डमा नेपालले सिधै विश्वकपको छनोट खेल्नेछ । हाल नेपाल ३५ खेलबाट ३८ अंक जोड्दै लिगको चौथो स्थानमा रहेको छ । पीएनजीले आफ्नो पछिल्लो पाँच खेलमा युएईलाई हराएको हुनाले उच्च मनोबल साथ मैदान उत्रिनेछ । युएईले पछिल्लो चार खेलमा जीत निकाल्न सकेको छैन ।
