काठमाडौं । ओपनर आसिफ शेखले आईसीसी विश्वकप लिग-२ को त्रिकोणात्मक एकदिवसीय सिरिज अन्तर्गत पीएनजीविरुद्ध जारी खेलमा अर्धसतक पूरा गरेका छन् । कीर्तिपुरस्थित टियु क्रिकेट मैदानमा जारी खेलमा दुई जीवनदान पाएका आसिफले एकदिवसीय करियरको आठौँ अर्धसतक पूरा गरेका हुन् ।
उनले ४७ बलमा पाँच चौका र दुई छक्का प्रहार गर्दै अर्धसतक पूरा गरेका हुन् । ताजा अवस्थामा नेपालले १८ ओभरको समाप्तिमा १ सय ८ रन जोडेको छ । हाल आसिफ शेख ५५ बलमा ७ चौका र २ छक्काको सहयोगमा ६० रन बनाउँदै क्रिजमा छन् । उनलाई कुशल भुर्तेलले ५३ बलमा ६ चौकाको मद्दतमा ४ रन बनाउँदै साथ दिएका छन् ।
नेपाल टस हारेर पहिले ब्याटिङमा उत्रिएको हो ।
