काठमाडौं । सहिद स्मारक ए डिभिजन लिगमा मनांङ मर्स्याङ्दी क्लबले पहिलो जीत निकालेको छ । बुधबार बेलुकी भएको खेलमा संकटा क्लबलाई १-० गोलले हराउँदै मनांङले लिगमा पहिलो जीत निकालेको हो ।
त्रिपुरेश्वरस्थित दशरथ रंगशालामा भएको खेलमा मनांङलाई जीत दिलाउन सेदजामोल दाभ्लातजोनोभले निर्णायक गोल गरे । पहिलो हाफ गोलरहित बराबरीमा सकिएको खेलको सेदजामोलले गरेको गोलनै मनांङको जीतमा निर्णायक बन्यो ।
जीतसँगै मनांङ दुई खेलबाट ४ अंक जोड्दै लिगको तेस्रो स्थानमा उक्लिएको छ । समान खेलबाट एक अंक जोडेको संकटा दसौं स्थानमा झरेको छ ।
