काठमाडौं । एएफसी यु-२० महिला एसियन कप छनोट अन्तर्गत आज हुने पहिलो खेलमा नेपालले प्यालेस्टाइनको सामना गर्दैछ । फैजल अल हुसेनी अन्तराष्ट्रिय रंगशालामा हुने खेल बेलुकी ६:४५ बजे शुरु हुनेछ ।
नेपाली टोली आज हुने खेलमा जीत निकाल्दै छनोटमा सुखद शुरुवात गर्न चाहन्छ । समूह ‘बी’मा नेपाल, प्यालेस्टाइन र नर्दन मारियाना आइल्याण्ड रहेका छन् । नेपालले दोस्रो खेलमा नेपालले नर्दन मारियानासँग सोमबार प्रतिस्पर्धा गर्नेछ । छनोटको समूह विजेताले दोस्रो चरणका लागि छनोट हुनेछ ।
दोस्रो चरण जुन ३ देखि ११ सम्म हुनेछ । जसबाट उत्कृष्ट ४ टोलीले उज्वेकिस्तानमा हुने यू २० महिला एसियन कप खेल्नेछन् । उज्वेकिस्तानमा हुने यू २० महिला एसियन कप २०२४ को मार्च ३ देखि १६ सम्म हुनेछ । यू २० महिला एसियन कपमा १६ टोलीले प्रतिस्पर्धा गर्नेछन् ।
