सर्वोच्चको फैसलाको पूर्णपाठ नआएसम्म गृह मन्त्रालय प्रधानमन्त्रीले नै राख्ने

काठमाडौं । नेकपा माओवादी केन्द्रले रवि लामिछाने सम्बन्धमा सर्वोच्च अदालतले गरेको फैसलाको पूर्णपाठ नआएसमम गृह मन्त्रालय प्रधानमन्त्री पुष्पकमल दाहालसँगै रहने जनाएको छ ।

मंगलबार पार्टी कार्यालय पेरिसडाँडामा बसेको पदाधिकारी बैठकले यस्तो निर्णय गरेको हो । बैठकपछि पार्टी प्रवक्तासमेत रहेका उपाध्यक्ष कृष्णबहादुर महराले फैसलाको पूर्णपाठ नआएसम्म गृह मन्त्रालय प्रधानमन्त्रीसँगै रहने बताए । रवि लामिछानेले अमेरिकी नागरिकता त्यागेपछि नेपाली नागरिकता लिन प्रक्रिया पूरा नगरेको भन्दै सर्वोच्च अदालतले उनको सांसद पद खारेज गरिदिएको थियो ।

त्यसपछि उनी उपप्रधानमन्त्री तथा गृहमन्त्रीबाट पदमुक्त भएका थिए । आइतबार नेपाली नागरिकताको प्रमाणपत्र लिएपछि रविले गृह मन्त्रालय आफैंले पाउनुपर्ने अडान राखेका छन् । तर अहिले गृह मन्त्रालय प्रधानमन्त्री आफैंले राखेका छन् ।

राष्ट्रिय स्वतन्त्र पार्टीले भने गृह मन्त्रालय नदिए सरकार छाड्ने चेतावनी दिएका खबर सार्वजनिक भइरहेका छन् । मंगलबार बिहान प्रधानमन्त्रीलाई भेटेर लामिछानेले आफूलाई गृहमन्त्री नियुक्त गर्न आग्रह गरेका थिए । लामिछाने गैरसांसदको रुपमा गृहमन्त्री बन्ने दाउमा छन् ।

Leave a Reply

Your email address will not be published. Required fields are marked *