एजेन्सी । अमेरिका कतारमा जारी फिफा विश्वकप-२०२२ को नकआउट चरणमा पुगेको छ । मंगलबार राति भएको खेलमा इरानलाई १-० गोलले पराजीत गर्दै अमेरिका समूह ‘बी’को दोस्रो स्थानमा रहँदै नकआउट चरणमा पुगेको हो ।
अल थुमामा स्टेडियममा भएको खेलमा अमेरिकालाई जीत दिलाउन क्रिस्टेन पुलिसिकले एक गोल गरे । पहिलो हाफको ३८ औं मिनेटमा डेस्टको पासमा पुलिसिकले गरेको गोलनै अमेरिकाको जीतमा निर्णायक बन्यो ।
जीतसँगै अमेरिका तीन खेलबाट ५ अंक जोड्दै समूह ‘बी’बाट दोस्रो स्थानमा रहेर अन्तिम १६ मा प्रवेश गर्दा समान खेलबाट ३ अंक जोडेको इरान छैटौंपटक समूहचरणबाटै घर फर्किएको हो । अब अमेरिकाले अन्तिम १६ मा समूह ‘ए’को विजेता नेदरल्यान्ड्सको सामना गर्नेछ ।
