काठमाडौं । कतारमा जारी विश्वकप फुटबलअन्तर्गत समूहको अन्तिम खेलमा इक्वेडरलाई पराजित गर्दै सेनेगल नकआउटमा पुगेको छ ।
पहिलो खेलमा सुखद् नतिजा निकाले पनि सेनेगलसँग पराजित भएसँगै इक्वेडरको भने विश्वकप यात्रा समूहचरणमै सकिएको छ ।
खालिफा इन्टरनेशनल स्टेडियममा मंगलबार राति भएको खेलमा सेनेगलले इक्वेडरलाई २–१ ले पराजित गरेको हो ।
अन्तिम खेलमा बराबरी नतिजा निकालेको भए पनि इक्वेडर अघिल्लो चरण प्रवेश गर्थ्यो। तर सेनेगलको अग्रता तोड्दै ६७ औं मिनेटमा इक्वेडरका मोइसेस काइसेडोले गोल गर्दै खेल बराबरी गरे पनि त्यसलाई ३ मिनेट मात्रै जोगाउन सक्यो ।
७४ औं मिनेटमा सेनेगलका लागि कलिडउ कौलिवालीले गोल गर्दै सेनेगलको नकआउट चरण पक्का गरे । सेनेगल तेस्रो पटक विश्वकप खेल्दै छ। अब सेनेगलले समूह बीको विजेतासँग क्वार्टर फाइनल प्रवेशका लागि खेल्नेछ।
