काठमाडौं । कैलाली निर्वाचन क्षेत्र नम्बर ५ बाट नेपाली कांग्रेसका डिल्लीराज पन्त विजयी भएका छन् । नेकपा (एमाले) का नारदमुनि रानालाई १ हजार ७४ को मतान्तरले पराजित गरी पन्त निर्वाचित भएका हुन् ।
पन्तले २१ हजार ३ सय ९२ मत प्राप्त गरे भने उनका प्रतिद्वन्द्वी एमालेका रानाले २० हजार ३ सय १८ मत प्राप्त गरेका छन् । यस्तै, स्वतन्त्र उम्मेदवारी दिएका कांग्रेसका पूर्व नेता पुष्करनाथ ओझाले ८ हजार ३ सय ४९ मत प्राप्त गरे।
यसअघि यो क्षेत्रबाट कांग्रेस केन्द्रीय सदस्य आरजु राणा देउवालाई पराजित गरी राना निर्वाचित भएका थिए ।