काठमाडौं । कीर्तिपुरमा भइरहेको एकदिवसीय सिरिज अन्तर्गत जारी दोस्रो खेलमा युएईले नेपाललाई मध्यम विजयी लक्ष्य प्रस्तुत गरेको छ । टियु क्रिकेट मैदानमा जारी खेलमा युएईले नेपाललाई जीतको लागि १ सय ९२ रनको लक्ष्य प्रस्तुत गरेको हो ।
टस जितेर पहिले ब्याटिङ गर्न उत्रिएको युएई ४३.२ ओभरमा १ सय ९१ रनमै समेटियो । युएईको लागि मोहम्मद वासिमले अर्धसतक पुरा गरे । उनले ४६ बलमा ४ छक्का र ३ चौका प्रहार गरे । यस्तै अलिसान स्साराफुले ४३ बलमा ३ चौकाको सहयोगमा ३५ रन बनाउँदा भित्र्या अरभिंदले २५, बसिल हामेदले २४, चुन्दागापोयिल रिजवानले २२ र विष्णु सुकुमारनले १५ रनको योगदान गरे ।
नेपालको लागि सोमपाल कामीले ७.२ ओभरमा ३५ रन दिएर ३ विकेट लिए । यस्तै ललित राजवंशीलेपनि १० ओभरमा ४१ रन दिएर ३ विकेट लिए । यस्तै करण केसी, गुलसन झा, दीपेन्द्र सिंह एरी र कुशल भुर्तेलले एक-एक लिए । दोस्रो इनिंस केहिबेरमा शुरु हुनेछ ।
