दुलेगौंडा । तनहुँको शुक्लागण्डकी नगरपालिका-५ बेलचौतारामा ५-ए साइड पहिलो शुक्ला फुटसल कप हुने भएको छ । यहि असोज २९ र ३० गते हुने प्रतियोगिता बेलचौताराको सेरास्थित एडीएसएल फुटसल एरिनामा हुनेछ ।
दुई दिन चल्ने प्रतियोगिताको विजेताले नगद ३५ हजार ५ सय ५५ रुपैयाँसहित ट्रफी, मेडल र प्रमाण पत्र पाउनेछ । यस्तै दोस्रो हुने टोलीले नगद १५ हजार ५ सय ५५ रुपैयाँसहित ट्रफी, मेडल र प्रमाणपत्र पाउनेछ । यस्तै सर्वोत्कृष्ट खेलाडी र उत्कृष्ट गोलकिपरले समान नगद पन्ध्रसय रुपैयाँ पाउने आयोजकले जनाएको छ ।
प्रतियोगिताको टिम दर्ताको लागि आयोजकले ३ हजार रुपैयाँ तोकेको छ । प्रतियोगितामा सहभागिताको लागि असोज २८ गते ६ बजे सम्म आफ्नो टिम दर्ता गर्न सकिनेछ ।
