एजेन्सी । युएईमा हुने एसिया कपको लागि भारतीय टोलीको घोषणा भएको छ । भारतीय क्रिकेट बोर्ड(बीसीसीआई)ले सोमबार रोहित शर्माको कप्तानीमा १५ सदस्यीय भारतीय टोलीको घोषणा गरेको हो ।
जिम्बाबेको भ्रमणमा विश्राम पाएका विराट कोहली र केएल राहुल टोलीमा फर्किंदा तीब्र गतिका बलर जस्प्रित बुम्रा र हर्सल पटेलले एसिया कप गुमाउने भएका छन् । बीसिसीआईले ट्वीटरमार्फत बुम्रा र हर्सलले चोटको एसिया कप गुमाउने बताएको हो । उनीहरु हाल रिहाबमा रहेका छन् ।
उनीहरुको स्थानमा वेस्ट इण्डिज भ्रमणमा उत्कृष्ट प्रदर्शन गरेका अर्शदिप सिंह अटाएका छन् भने अन्य तीब्र गतिका बलरमा भुवनेश्वर कुमार र आवेश खान रहेका छन् । यस्तै वैकल्पिक खेलाडीमा श्रेयस आयर, अक्सर पटेल र दिपक चहार रहेका छन् ।
एसिया कप २७ अगस्ट देखि युएईमा शुरु हुँदैछ । भारतले दुबईमा २८ अगस्टमा पाकिस्तानसँग खेल्दै एसिया कपको शुरुवात गर्नेछ ।
भारतीय टोली:- रोहित शर्मा(कप्तान), केएल राहुल, विराट कोहली, सूर्यकुमार यादव, ऋषव पन्त, दिपक होडा, दिनेश कार्तिक, हार्दिक पाण्ड्य, रविन्द्र जडेजा, रविचन्द्रन आश्विन, युज्वेन्द्र चाहाल. रवि विश्नोई, भुवनेश्वर कुमार, अर्शदिप सिंह, आवेश खान
