काठमाडौं । नेपाली राष्ट्रिय फूटबल टोलीको बन्द प्रशिक्षण छोडेका खेलाडीहरुले मुख्य प्रशिक्षक अब्दुल्लाह अल्मुताइरीले क्याम्प छोडेर जान भनेपछि आफुहरुले प्रशिक्षण छोडेको बताएका छन् । बिद्रोह गरेका खेलाडीहरुले बिहीबार पत्रकार सम्मेलन गर्दै मुख्य प्रशिक्षक अल्मुताइरीले बन्द प्रशिक्षण छोडेर जान भनेपछि आफुहरु क्याम्प छोड्न बाध्य भएको बताएका हुन् ।
एएफसी एसिया कप छनोटको तयारीमा रहेको टोलीका ९ खेलाडीले मंगलबार राति अल्मुताइरीको व्यवहारप्रति असन्तुष्टि जनाउँदै होटेल छोडेर हिडेका थिए । राष्ट्रिय टोलीका कप्तान किरण चेम्जोङ उपस्थित नभएको स्थितिमा टोलीको नेतृत्व गरेका रोहित चन्दलाई प्रशिक्षक अल्मुताइरीले बन्द प्रशिक्षण छोड्न भनेपछि असन्तुष्टि जनाउँदै प्रशिक्षकसँग छलफल गर्दा उनिहरुलाई नि क्याम्प छोड्न भनेपछि ९ खेलाडीले होटेल छाडेका थिए ।
आज भएको पत्रकार सम्मेलनमा बन्द प्रशिक्षण बहिस्कार गरेका सबै खेलाडी रोहित चन्द, अनन्त तामाङ, विशाल श्रेष्ठ, दिनेश राजवंशी, सुजल श्रेष्ठ, तेज तामाङ, सुमन लामा, अन्जन विष्ट, विशाल राई र बिमल घर्ती मगर उपस्थित थिए । यस्तै उनीहरुले अब राष्ट्रिय टोलीमा फर्किन गार्हो रहेको बताउँदै विवाद बारे निष्पक्ष छनबिन हुनुपर्ने माग गरेका छन् ।
यस्तै उनीहरुले यसअघिपनि अल्मुताइरीले व्यक्तिगत जीवनमापनि दखल दिएको र टोलीबाट निकाल्दिन्छु भन्दै मानसिक दबाब दिने गरेको आरोप लगाएका छन् ।
खेलाडीको विज्ञप्ति:
आदरणीय पत्रकार ज्यु तथा खेलप्रेमी समर्थक ज्यूहरु,
हामी खेलाडी अहिलेको समय एसियन कप छनोटको तयारीमा हनुपर्ने हो । तर बिडम्बना हामी यहाँहरु माझ आफ्नो कुरा राख्न सार्वजनिक रुपमा प्रस्तुत हनुपरेको छ । राष्टिय टोलीको प्रशिक्षण र हामी खेलाडीको नाम जोडेर विभिन्न सचारमाध्यममा आएको समाचार र त्यसमा समर्थकहरुको टिका टिप्पणीप्रति हाम्रो गम्भीर ध्यानाकर्षण भएको छ । राष्ट्रिय टोलीमा भएको घटनालाई अन्तरिक रुपमा नै सुल्झाउने हाम्रो सोच थियो । त्यसैले पनि हामीले उक्त घटनाबारे टोली व्यवस्थापन र एन्फा नेतत्वलाई जानकारी गराएका थियौं । तर समस्या सुझाउनुको सट्टा जिम्मवार व्यक्तिबाट नै सार्वजनिक मिडियामा हामीविरुदध गैरजिम्मेवार प्रतिक्रिया र अनर्गल आराप लागका कारण हामी आफ्नो भनाइ राख यहाँ उपस्थित भएका छौं ।
हामी आफूले जान्ने बुझ्ने उमेर अघिदेखि नै नेपाली फटबलमा आफ्नो जीवन समर्पित गर्दै आएका छौं । यसक्रममा देश विदेशमा पुगेर विभिन्न प्रशिक्षकको नेतत्वमा खेलेको अनभव हामीसँग छ । यसक्रममा टालामा रहेका आन्तरिक समस्या कहिल्यै बाहिर आएको छैन । तर पछिल्लो घटनाक्रमले भने हामी खेलाडीको योगदान र जीवनभरको मिहिनेतमा नै समर्थकबाट प्रश्न उठ्दा दुख लागेको छ । हामीलाई भएको अन्यायमाथि अझ आम समर्थकबाट आएको नकारात्मक प्रतिक्रियाले हाम्रो खेल जीवन के सार्थकतामा प्रश्न उठेको छ ।
हामीले क्लब फुटबललाई बिर्सेर हरेक पटक राष्ट्रिय टोलीका लागि खेल्दै आएका छौं । अन्तराष्ट्रिय नियम अनुसार हरेक खेलको ३ दिन अघि राष्ट्रिय टोलीमा सामेल हन पाउने भएपनि हामीले क्लब जिम्मेवारी थाँती राख्दै एन्फाले माग गरे अनुसार नै राष्ट्रिय टोलीमा प्रशिक्षण गर्दै आएका छौं । वर्षको ८ महिना राष्ट्रिय टोलीमा नै प्रशिक्षण गरेको उदाहरण पनि यहाँहरुमा अवगत गराउन चाहन्छौं ।
हामी खेलाडीका लागि क्लब फुटबल नै आयआर्जनको मुख्य आधार हो । राष्ट्रिय टोलीमा खेल्नु हाम्रो लागि गौरवको विषय हो र देशको प्रतिष्ठासँग जोडिएको विषय हो । हामीले सधैं क्लब फुटबल भन्दा राष्ट्रिय टोलीलाई नै अघि राख्दै आएका छौं ।
विगतमा क्लब फुटबलबाट बाहिर रहेर निरन्तर राष्ट्रिय टोलीमा रहँदा पनि समयमा भत्ता प्रदान गरिएको थिएन । त्यसका बाबजुद पनि हामी राष्ट्रिय टोलीमा नियमित उपस्थित रहेर खेल्दै आएका छौं । एन्फाले घोषणा गरेको पुरस्कार राशी, प्रशिक्षण दौरानका भत्ता नदिँदा पनि हामीले कुनै प्रश्न नउठाइ आफ्नो जिम्मेवारी निर्वाह गरेका छौं ।
यसपटक क्लोज क्याम्पमा राख्दा टोलीको नेतृत्व गरिरहेका रोहित चन्दले सामान्य गास-बास बारे प्रश्न सोध्दा जुन व्यवहार गरियो त्यसमा हामी असन्तुष्ट थियौं । राष्ट्रिय टोलीका प्रशिक्षकले टोलीका सदस्य खेलाडीलाई त्यस किसिमको व्यवहार गर्नु राम्रो थिएन । त्यसमाथि क्याम्प नै छोडेर जा भन्नु अन्यायपूर्ण हो भन्ने हामीलाई लागेको यसबारे हामीले प्रशिक्षकसँग कुरा गर्न जाँदा हामीलाई पनि पटक पटक क्याम्प छोडेर जान भनेपछि हामी प्रशिक्षण क्याम्प छोड्न बाध्य भएका हौं । हामीले यसबारे टोली व्यवस्थापन र एन्फा नेतृत्वलाई पनि जानकारी दिइसकेका थियौं । समस्या सुल्झाउन कदम चाल्नुको सट्टा एन्फाका जिम्मेवार पदाधिकारीबाट सार्वजनिक मिडियामा हामी क्याम्पबाट भाग्यौं भन्ने अभिव्यक्ति दिनुले हामी अचम्मित भएका छौं । टोलीभित्र आन्तरिक समस्यालाई नेतत्व र व्यवस्थापनसँग समन्वय गरेर सुल्झाउने हाम्रो प्रयास थियो । तर सार्वजनिक रुपमा नै हाम्रो बारेमा झटो आरोप लागेपछि हामी सत्य तथ्य जानकारी दिन यहाँ प्रस्तुत भएका छौं ।
हामी खेलाडीले राष्ट्रिय टोलीमा रहंदा सधै नियमपर्वक जिम्मेवारी निर्वाह गरव रहदा सध नियमपूर्वक जिम्मेवाती सर्वाद गरेका छौं । नयाँ प्रशिक्षकको आगमनपछि त क्लब फुटबलमा हुँदा र व्यक्तिगत जीवनमा पनि अनेक दबाब आएका छन । यसमा पनि हामीले कुनै प्रतिप्रश्न गरेका छैनौं, न त हामीले बाहिर केहि भनेका छौं । हाम्रो यस मौनताको फाइदा उठाउँदै पटक पटक अनावश्यक दवाव दिदा पनि हामी चुप बस्यौ । तर पछिल्लो घटनाक्रममा हामीले एक जुट नभए आउने पिढीका खेलाडीले यो भन्दा बढी मानसिक दबाब खेप्नुपर्ने देखेर नै हामीले प्रशिक्षकसँग छलफल गर्ने प्रयास गरेका थियौ
हामीले राष्ट्रिय टोलीको क्याम्प मात्र नभएर दैनिक जीवनमा हुनुपर्ने सामान्य कुराबारे जिज्ञासा राख्दा यस्तो व्यवहार आउला भन्ने अपेक्षा गरेका थिएनौ । यस विषयमा समन्वय गर्न हामीले नवनिर्वाचित खलासा जानकारी दिएका थियौं । तर एन्फा नेतृत्वबाट खेलाडी संघले गरेको सक्दो प्रयासमा चित्तबुझ्दो चित्तबुझ्दो सम्बोधन भएन । त्यसैले पनि हामीले सार्वजनिक रुपमा आफै थाहा दिनुको विकल्प रहेन ।
हामी खेलाडी राष्ट्रका लागि खेल्नु हाम्रो दायित्व हो । यसबाट हामी कदापी पन्छिने छैनौं । तर जुन किसिमको व्यवहार प्रशिक्षक अलमुताइरी र टोलीबाट भयो, यसमा हामी दुखि छौं । यसअघि यस्ता घटना हुँदा पनि हामीले टोलीको हितका लागि सधैं चुप रहेका थियौं । तर एकपछि अर्को अन्यायपूर्ण निर्णय भएपछि हामीले यसबारे छलफल गर्न जाँदा उल्टै हामीलाई टोलीबाट बाहिर जाने निर्देशनप्रति एन्फा नेतत्वको ध्यानाकर्षण हुनुपर्छ ।
प्रशिक्षण दौरानको घटनाक्रम :