सिमकोट । हुम्लाका तीन स्थानमा हुने चुनावी सभालाई सम्बोधन गर्न नेकपा एमालेका अध्यक्ष केपी शर्मा ओली आज हुम्ला पुग्नु भएको छ । अध्यक्ष ओली आज बिहान ११ बजे हेलिकोप्टरबाट हुम्लाको सिमकोट पुग्नु भएको हो । सिमकोट विमानस्थलमा हुम्लाका प्रमुख जिल्ला अधिकारी सीता परियारले अध्यक्ष ओलीलाई स्वागत गरेकी थिइन् ।
अध्यक्ष ओलीले उत्तरी नाम्खा गाउँपालिकाको लिमि भ्याली र जिल्ला सदरमुकाम सिमकोटमा आयोजना हुने आमसभालाई सम्बोधन गर्ने कार्यक्रम छ । त्यसपछि जिल्लाको दक्षिण भेगमा रहेको अदानचुली गाउँपालिकाको श्रीनगरमा हुने सभालाई पनि सम्बोधन गर्ने कार्यक्रम छ ।
ओलीले नेपाल र चीनको सीमाना नाम्खा गाउँपालिकाको लिमीमा रहेको लोलुङजोङको हवाई अवलोकन गर्नेसमेत कार्यक्रम रहेको बताइएको छ ।
