काठमाडौं । नेकपा (माओवादी केन्द्र) ले चुनावी प्रचारमा नेपाल विद्युत प्राधिकरणका कार्यकारी निर्देशक कुलमान घिसिङको तस्बिर तस्बिर दुरुपयोग गरेको छ। बुधबार माओवादी केन्द्रका नेताहरुले फेसबुकमा कुलमानको तस्बिर राख्दै माओवादी केन्द्रलाई मत मागेका हुन् ।
तस्बिरमा माओवादी केन्द्रका अध्यक्ष पुष्पकमल दाहाल ‘प्रचण्ड’,अर्थमन्त्री जनार्दन शर्मासँगै नेपाल विद्युत प्राधिकरणका कार्यकारी निर्देशक कुलमानको तस्बिर दुरुपयोग गरिएको छ । कर्मचारीको तस्बिर पार्टीको चुनाव प्रचारमा दुरुपयोग गर्दै माओवादी केन्द्रले निर्वाचन आचार संहितासमेत उलंघन गरको छ । त्यसैगरी पोस्टरमा अध्याँरोबाट उज्यालोको यात्रामा लेखिएको छ।
पार्टी अध्यक्ष पुष्पकमल दाहाल प्रचण्डको आधिकारिक फेसबुक पेजमा समेत ‘लोडसेडिङ अन्त्य एउटा फड्को अब पालो निशुल्क बिजुलीको’ #VoteForCPNMaoist सहितको पोष्ट अपलोड गरिएको छ ।
