काठमाडौं । प्रधानमन्त्री शेरबहादुर देउवाले बिमस्टेकलाई सम्बोधन गर्दै बौद्ध दर्शन प्रवर्द्धनमा जोड दिनुपर्ने बताएका छन् । बुधबार श्रीलंकामा आयोजित बिमस्टेकको पाँचौं शिखर सम्मेलनलाई भर्चुअल सम्बोधन गर्दै देउवाले बिमस्टेकलाई जोड्ने महत्वपूर्ण आधार बौद्ध दर्शन नै भएको बताएका हुन् ।
देउवाले सम्मेलनमा नेपालजस्ता कम विकसित मुलुकबाट उन्मुख भइरहेका देशहरूलाई दीगो विकास लक्ष्यहरू कार्यान्वयनमा तीव्रता दिनुपर्ने जोड दिए । बुद्धको जन्मस्थल लुम्बिनीलाई जोड्ने बुद्धिस्ट सर्किटलाई छिट्टै सञ्चालनमा ल्याइनुपर्नेमा जोड दिनु दिएका हुन् ।
त्यस्तै प्रधानमन्त्री देउवाले जलवायु परिवर्तनका सम्बन्धमा पनि कडा कदम चाल्नुपर्नेमा जोड दिए । जलवायु संकटले हिमाल र महासागरबीचको जैविक सम्पर्कलाई असर गरिरहेको उनले बताए ।
