काठमाडौं, चैत १६ । नेपाली बजारमा सुन र चाँदीको भाउमा गिरावट आएको छ । नेपाल सुनचाँदी व्यवसायी महासंघका अनुसार मंगलबारको तुलनामा आज सुनको भाउ प्रतितोला ४ सय रुपैयाँले घटेको हो।
यससँगै छापावाल सुनको भाउ ९८ हजार ८ सय रुपैयाँमा झरेको छ भने तेजावी सुन ९८ हजार ३ सय रुपैयाँमा झरेको छ। बुधबार चाँदीको भाउ पनि प्रतितोला १० रुपैयाँले घटेको छ। चाँदी प्रतितोला १३६० रुपैयाँमा कारोबार भइरहेको छ।
यसअघि मंगलबार पनि सुन र चाँदीको भाउमा गिरावट देखिएको थियो।
