काठमाडौं । पूर्वराजदूत अजय शर्मा (याेगेन्द्र ढकाल) नेकपा एमाले प्रवेश गरेका छन् । मोहनविक्रम सिंहसहितका नेताहरु पुष्पकमल दाहाल, बाबुराम भट्टराई, मोहन वैद्यलगायतका नेताहरुसँग राजनीति गरेका शर्मा र पत्नी अजिता जिसी एमाले प्रवेश गरेका हुन् ।
शुक्रबार पार्टी कार्यालय थापाथलीमा आयोजित कार्यक्रममा शर्मा दम्पत्तिलाई एमाले अध्यक्ष केपी शर्मा ओलीले स्वागत गरेका छन् ।
यता ढकालले भने देशभक्त नेता ओली भएकाले आफूहरु पनि ओली नेतृत्वकै पार्टीमा बसेर देश र जनताको सेवा गर्न चाहेको बताए ।
कार्यक्रममा एमाले महासचिव शंकर पोखरेल, पोलिटब्यूरो सदस्य सूर्य थापालगायतका नेताहरु थिए ।
