काठमाडौं । सीके राउत नेतृत्वको जनमत पार्टीले आज बिहानैदेखि सप्तरीमा विरोध प्रर्दशन गरिरहेको छ ।
जनमत पार्टीका कार्यकर्ताहरुले टायर बालेर प्रदर्शन गर्दै पूर्वपश्चिम राजमार्ग बन्द गराएका छन् । प्रर्दशनकारीहरुले सडकमै टायर बालेर प्रदर्शन गरेपछि सम्पूर्ण सवारी साधन प्रभावित बनेका छन् ।
सीके राउतको सचिवालयले किसान आन्दोलनअन्तर्गत सप्तरी–रुपनीमा चक्काजाम गरिएको बताएको छ । जनमत पार्टीले आज पूर्वपश्चिम राजमार्ग बन्द गर्ने विरोधको कार्यक्रम यसअघि नै सार्वजनिक गरेको थियो।
