USAID

लेबननमा तैनाथ बर्दबहादुर गण सर्वोत्कृष्ट

काठमाडौं । संयुक्त राष्ट्र संघको आह्वानमा शान्ति स्थापनार्थ यूनीफील मिसन, लेबननमा तैनाथ श्री बर्दबहादुर गण (शान्ति सेना) सर्वोत्कृष्ट भएको छ । ६२ औं डफ्फाको रुपमा रहेको गणले उक्त अन्य १० राष्ट्रका गणहरुलाई पछि पार्दै सर्वोत्कृष्ट स्थान हासिले गरेको नेपाली सेनाले जनाएको छ ।

बर्दबहादुर गणमा कार्यरत नेपाली शान्ति सैनिकले आफ्नो जिम्मेवारी ईलाकामा गरेका उत्कृष्ट योगदानको कदर स्वरुप यूनीफीलका मिसन प्रमुख मेजर जनरल स्टेफानो डेल कोलले गणपतिलाई उत्कृष्टताको प्रतीक तथा प्रशंसा–पत्र प्रदान गरेका थिए ।

उक्त गणले मिशन ईलाकामा तैनाथ भएदेखि नै कोभिड–१९ को चरम मार खेपिरहेको आफ्नो जिम्मेवारी क्षेत्रको आठवटै पालिकाहरुमा कोभिड किट वितरण गरेको थियो ।

यस्तै, विभिन्न समयमा नगरपालिकामा वृक्षारोपण, ऐतिहासिक किल्लाको संरक्षण र सम्वद्र्धन, गुणस्तरीय डेण्टल सेवा, विद्यालयमा स्टेशनरी वितरण, महिला स्वास्थ्य सम्बन्धि जनचेतना कार्यक्रमलगायत जनहितका कार्यक्रम गर्दै आएको थियो ।

यसैगरी, सेनाले ठूलो लगानीमा ‘कृषि पोखरी तथा सार्वजनिक बगैंचा’ निर्माण सम्पन्न गरेको बताइएको छ । जंगी अड्डाद्वारा जारी विज्ञप्तिमा गणले लेवनान र इजरायलको सीमा क्षेत्रमा फैलिएको जैतुन खेतीको बाली भित्राउने कार्य मिशनको इतिहासमै पहिलो पटक सुरक्षित र शान्तिपूर्ण रुपमा सम्पन्न गरेको उल्लेख छ ।

CivActsAd

Leave a Reply

Your email address will not be published. Required fields are marked *