एजेन्सी । इटालियन लिग सिरी एमा युभेन्टसले सहज जित निकालेको छ । बुधबार राति भएको खेलमा काग्लियारीलाई २-० गोलले हराउँदै युभेन्टसले आफ्नो उत्कृष्ट लयलाई निरन्तरता दिएको हो ।
एल्लिनाज रंगशालामा भएको खेलमा युभेन्टसलाई जित दिलाउन मोइसे किन र फेडेरिको बेर्नार्डेस्कीले एक/एक गोल गरे । खेलको ४० औं मिनेटमा किनले गोल गर्दै घरेलु टोलीलाई खेलमा अगाडि बढाएका थिए । यस्तै ८३ औं मिनेटमा कुलुसेव्सकीको पासमा बेर्नार्डेस्कीले गोल गर्दै युभेन्टसलाई २-० गोलको जित दिलाए ।
जितसँगै युभेन्टस १९ खेलबाट ३४ अंकको साथ पाँचौ स्थानमा रहेको छ । काग्लियारी १८ खेलबाट १० अंक जोड्दै १९ औं स्थानमा छ ।
