काठमाडौं। नेपाली कांग्रेसका नेता अर्जुननरसिंह केसीले उच्च स्तरीय राजनीतिक समन्वय समितिकाे संयाेजक दिएर रामचन्द्र पाैडेललाई शेरबहादुर देउवाले महाधिवेशनमा गठबन्धन गर्न लागेकाे भन्ने प्रचार भ्रमपूर्ण रहेकाे बताएका छन् ।
नेता केसीले भने, “समन्वय समितिमा पाैडेलकाे उपयाेगिता रहेकाले संयाेजक बनाइएकाे हाे । देउवा र पाैडेलबीच महाधिवेशनमा गठबन्धन भएकाे हाेइन । पार्टी सञ्चालनमा नेतृत्वकाे कार्यशैलीसँग हाम्राे असहमति कायमै छ ।” उनले थपे, “अलिकति फरक मत भए पनि हामी एउटै पार्टी, झण्डामुनि छाैं । हाम्राे उद्देश्य र लक्ष्य एउटै हाे । त्यसैले नेताहरूबीच सहमति हुनु आश्चर्यकाे कुरा पनि हाेइन । तर, देउवा र पाैडेलबीच सहमति भैसक्याे भन्नु भ्रमपूर्ण प्रचार मात्र हाे ।”
पार्टीकाे संस्थापन इतर पक्षबाट सभापतिकाे साझा उम्मेदवार दिने काेसिस अन्त्यसम्म रहने नेता केसीले बताए । न्यायालयमा उत्पन्न विवादबारे पार्टीकाे भाेलि बस्ने केन्द्रीय समितिकाे बैठकमा छलफल हुने उनले जानकारी दिए ।
